87 سالہ البرٹ ھنس نے اپنااسلامی نام ’’محمد‘‘رکھاہے
ریاض26جولائی(ایس او نیوز ؍آئی این ایس انڈیا)سعودی عرب میں گذشتہ55سال سے ملازمت کی خاطر سکونت پذیر ایک امریکی الیکٹریکل انجینئرنے اسلام قبول کیاہے۔قبول اسلام کے بعد امریکی نو مسلم نے اپنا نام نبی اکرم صلی اللہ و علیہ وسلم کی نسبت سے محمد رکھا ہے۔87سالہ البرٹ ھنس سنہ1961ء میں امریکا سے سعودی عرب منتقل ہوئے جہاں انہوں نے پچپن سال سعودی عرب میں گذارے۔ اس دوران الحمراء شہر میں ان کا ایک دینی دعوت وارشاد مرکز میں بھی آنا جانارہا۔ انہوں نے اسلامی تعلیمات کا باریک بینی سے مطالعہ جاری رکھا۔ آخر کار سیرت النبی اور اسلام کے اخلاق حسنہ سے متاثرہوکراسلام قبول کرنے کا فیصلہ کیا۔نو مسلم امریکی انجینئر کا کہنا ہے کہ اسلام کی جس چیز نے انہیں سب سے زیادہ متاثر کیا وہ مسلمانوں اور اسلام کا حسن اخلاق ہے جس کی مثال کسی دوسرے مذہب میں نہیں ملتی۔